مقاديرها وطريقتها  كاالتالي

بطاطا مشويه  بالفرن <<<< حسب عدد الاشخاص  نحط حبه البطاطا بالقصدير ونلفها وندخلها لفرن حار لمده ساعه كامله

وبعد مانطلعها من الفرن نخليها تبرد شوي نقشرها ونبشرها بالمبشره الناعمه  ونضغطها  ونضعها في قالب الي مفتوح من

الجهتين  او القطاعه حقت البسكوت او الحلوياات وتخليها شكلها زي القالب  <<<خخخ شكلى طولت شرح 

لازم نتركها تبرد بعد الفرن علشان لما نبشرها  ماتتفتت  وبعد مانخلص كل القطع ونسويها كلها مثل القوالب

نقليها في زيت حار حتى تصبح ذهبيه  وممكن وهي حاره  نبشر فوقها  جبنه  كرفت  مممممممم يمي يمي

وتوضع على ورق النشاف  ومن ثم تقدم  وبالعافيه على قلوبكم

بعد الانقطاع الطويييييييييييييييييييييييييييييييييييل  اتمنى ان تكونوا بصحه وعافيه

اليوم رجعت لكم بحلى سريع كالعاده  ( احب الاكلات السريعه  عند الزنقات )<<<<< مع الحدث 

المقادير :

1_عجينه بيف باستري (المقطعه الى 10 مربعات صغيره )

2_ بودره قرفه  ملعقتين كبار

3_ حليب نستله  نصف علبه كبيره

4_ صوص شوكلا  هرشي او اي شوكلا سائل عندك

5_ ملعقه كاكاو بودره

6_ ملعقتين سكر  ناعم او عادي

الطريقه :

نخلط كاكاو البودره مع القرفه مع السكر   ويوضع جانبا

وناخذ قطعه من البيف بستري  ونضع عليها ملعقه من الخلطه السابقه  ونضغط على الخلطه شوي لتلصق على العجينه

نقطع العجينه الى شرايط رفيعه عرض الواحده  سنتيمترا واحدا  ثم نلفها من الجهتين  حتى يتكون لدينا شكلا مثل سلك التلفون

ويوضع في صينيه الفرن  الى ان ينضج  ونتركه يبرد وعند التقديم  يوضع عليه  صلصه الهرشي والنستله ويقدم  ……

وبالعافيه على قلوبكم  :::

لكم منا احلى  تحيه انا واختي

المقادير :

للعجينه ..

1: نصف كيس طحين كويتي

2: ثلاث ملاعق كبيره سكر

3: ثلاث ملاعق كبيره حليب بودر

4: خميره  فوريه ملعقه كبيره

5: نصف ملعقه كبيره بيكن باودر

6: ربع كاس زيت

7: الماء حسب العجن

الحشوه :

1: قرفه مطحونه ( دارسين ) سينبون ثلاث ملاعق كبيره

2: ملعقه كبيره كاكاو بودره

3: سكر  حسب  ماتحبين

4: مكسرات

الطريقه :

توضع كل المقادير للعجينه  مع بعض وتعجن  جيدا  ( يعني تعجنين لين تتعبين ههه علشان تصير منتفخه وطريه)

وتترك لتختمر لمده ساعه تقريبا او اقل حسب الجو اذا كان حر او برد 

بعد ان تختمر العجينه  تفرد على الطاوله  وترش  بمقادير الحشوه  ثم تقطع  مستطيلات طويله  (نفس طول المسطره تقريبا )

ثم تلف على شكل رول  وتصف في صينيه الفرن

وتزين بحليب النستله المركز و شوكولا سائله  (هرشي )   والمكسرات

بالعافيه على قلوبكم

انا واختي

مساكم عسل^^

شايفيين هالخشيشة الشينة الكيوت اعلاه^^

هذا القطو سرفايفر !_!

واليكم قصته:

ذاك اليوم كان اخويا الكبير في الشغل جالس بمكتبه كان يقز<<يلمح  ^^

ذيك القطوة الجالسة فوسط الشارع والشمس تحرقها وبالموت ياللة تمشي

والنمل يطلع عليها يقرّصها وهي تنفض تنفض بجسمها عشان يطيحون!_!

فقام ودق علي وحزنّي !_!

فقررت اتبناها^^

ويوم جابها انا من داخلي اقول لاااااه وش اللي سويته جنيت على نفسي><

كانت قذرة قذرة قذرة جدن جدن>< لونها رمادي وماتقدر تمشي من كثر التعب

قلت بخليها لين بكرة يمكن تصير احسن وحطيتها مع قطوتنا واستغربت انها ماسوت لها شي مع انها اكبر منها

اكلت ونامت نومة أليمة..ويجي من بكرة والا اشوفها استصحت عقب ماتبردت واكلت ونامت وتتحرش وتكفخ بقطوتنا

قلت انا اوريك اجل اليوم بغسلك  وتجينا اختي وعيالها بنفس اليوم وتشوفها وتقول وعععع وش جايبيين

قالت يلا قومي نغسلها ونروح نغسلها بالشامبو والديتول والا وش اشوف ><

طين طين ينزل منها ><غسلناها ثلاث مرات و بعدها قذرة

وبعد الغسل والشسوار صارت جميلة شعرها طوييل لونها ابيضاني زي القطنة^^

كان تدخل خفوق اختي وتقرر تتبناها مني ^^

وطبعا من كثر الشيانة قررت اسميها شفيقة خخ

بس بعد الغسيل وسؤال اهل العلم اكتشفنا انها شفيق!U_U

هاه وش رايكم بشفوق خخ

المقادير:

1: علبه بسكوت شاي  100 جرام

2: شرايح باوند كيك

3: كيسين  دريم وب

4:علبه كريم كراميل  بس البودره   وخلي كيس السكرالمحروق  للتزين  او حسب الرغبه الي يحب  هرشي

5: كوب ماء بارد

6:ملعقه صغيره  قهوه سريعه التحضير

7:  كوب ماي ساخن

8: شرائح لوز محمصه

9: 2 ملعقه اكل ماي

الطريقه :

توضع  طبقه واحده من الكيك  في قالب متحرك القاعده

تخلط بودره الدريم وب مع الماء البارد الى ان تتكون الرغوه (لازم تشوفين الرغوه )

تضاف لها  بودره الكريم كراميل  وتخفق لمده  دقيقتين  الى ان تصبح مثل الكريمه  ثقيله شوي

تذوب ملعقه سكر وملعقه القهوه في الماء الساخن

يسكب  نصف  مقدار الكريمه على الكيك ثم يدخل للفريزر حتى يجمد

يغمس البسكوت في القهوه  ويوضع فوق الكريمه  ثم يوضع النصف الثاني

من الكريمه فوق البسكوت ويوضع في الفريزر حتى يجمد تماما

يخلط كيس السكر المحروق  مع اللوز  ويزين به سطح الكريمه

ويوضع في الثلاجه لحين التقديم

وعليكم بالعافيه

وهذي احلى قطعه حق زوار  مدونتنا  انا واختي

مبارك عليكم الشهر
اعاده الله علينا وعليكم وعلى الأمة الإسلامية بالخير واليمن والبركات
ونسأل الله أن يتقبل منكم الأعمال الصالحة ويمّن عليكم بالمغفرة الواسعة
وكل عام وأنتم بخير

من وحي واجب التاج السلطاني<<اللي بالمناسة للحين ماعرفت سبب التسمية><   هع

وبما اني مابحت لكم بستة اسرار  حسيت اني ادين لكم بسر^^<< اللي ماشافه او ناسيه ينزل نقطتين لتحت ويلقاه

لكن هذا السرغير ،هذا السر افضل انو اللي اول مرة يشوفني يكون اووردي عارف هالشي فيني

وهو اني مااحب احد مايكون عنده كلمه او مش دقيق في مواعيده

وراح اذكرلكم كم موقف وبعدها حابة اشوف رايكم في هالمسأله وانو هل عندي حق او لا

*الموقف الاول

انا متفقة مع صدييقتي انها مثلا تجيني اليوم بعد المغرب

واهلي كللللهم بيطلعون

وجا الوقت واهلي طلعوا

وجات صلاة المغرب ووانتهت وعدت نص ساعة

وارفع السماعة وادق عالبنت ،هاه وينك تأخرتي؟

هاه والله مااقدر ماحصلت احد بجيبني!!!!

يعني دامك تدرين اني بجلس في البيت لحالي وانتي فآخر خمس دقايق فكرتي تدورين احد يجيبك

يعني اكيد محد بيجيبك يختي كان دقيتي وعطيتيني خبر لا تستناني انا اللي ادق><

*الموقف الثاني

من بكرة عندي عزومة

اكلم صديقتي هاه فلانه بكرة جاية ان شالله

صديقتي:ايه افا عليك انا اول الحاضرين<<في اكثر من كذا تأكيد

ويجي من بكرة ويجون الناس هاه فلانة بتجي

وانا اقول بكل ثقة اييه اكيد ان شالله

وقبل موعد جيتها ترسللي مسج! يعني لو داقة كان اهون

انو اعذريني ماراح اقدر اجي راسي مصدع من امس ماسكتني الشقيقة

طبعا فهالحالة هي معذورة لكن من ناحية ثانية مهي معذورة

يعني دامك من امس حاسة مصدعة ليه تأكدين لي وتخليني اتفشل قدام خلق الله

* الموقف الثالث

انا:هاه اخوي بكرة تودينا البحرين ان شالله ؟

اخوي :ايه اكيد ان شالله <<وهو من داخله مو مشتتهي يروح

المهم جا اليوم وركبنا السيارة

وصار بالجسر شوية زحمة

وعصب انتو ماتحسون حرام عليكم

انا تعبان ومن هالكلام من رحنا لييين رجعنا

طب طب ابي افهم دامك ياخي مو مشتهي تودينا

ليه تودينا وتضيق صدورنا ماسوت علينا طلعة

يعني فهالمواقف كلمة “لا” حلوة ><

*الموقف الرابع

عندي موعد مع الطبيبة الفلانية وهذي الطبيبة عندها زحمة

وتأخرت خمس دقايق  عن الموعد

سولي زحمة وقالوا لا متدخلين المهم واخذ موعد عالاسبوع

اللي بعده وجا الاسبوع الثاني ورحت قبل موعدي بنص ساعة

واستنى واستنى واتنقع هناك ساعة  الا ربع وبالاخير زهقت دقيت الباب

على غرفة الطبيبة وتفتح الباب الدكتورة بنفسها بأبتسامة عرض الباب مودعة ناس من نفس جنسيتها

والا الحبيببة مخليتني اتنقع برة وهي قاعدة تسولف ><

طبعا كانت هذي آخر مرة اروح لها مع انها اكثر دكتورة ارتحتلها

———————————————————

يعني بصراحة تكرار مثل هذي المواقف بالذات مع نفس الشخص تبدا تنعدم ثقتي فيه من هالناحية><

ووبس

حابة اعرف رايكم لو مثلا صادفتم مثل هذي المواقف

ولو عندكم مواقف ياليت تنورون مدونتنا في ردودكم ومواقفكم^^

تحياتي انا & اختي

كأس العالم <الحمد لله وانتهينا منه ،كأس الخليج ،كأس امم افريقيا، كأس امم اوربا ، كأس الامير فلان ،كأس الشيخ فلان…الخ

تعددت الكؤوس واللعبة واحدة ^^

انا شخصيا لا افهم هذه اللعبة><

فبالنسبة لي ارآها هكذا “مجموعة من الأشخاص يجرون  خلف قطعة من القماش مملؤة بالهواء” ><

لكن طالما يحبها الشباب ^^ وطالما تشغلهم عن فعل مالايليق بهم او بمجتمعهم <<فلا بأس بذلك ^^

واليوم سنتحدث عما يحدث بعد المباريات ><

من زيادة الحماس عند بعض الشباب  هالايام يقومون بتقليد لاعبينهم المفضلين

ومنهم ولد خالتي اللي في ليلية من الليالي طلع يلعب كورة مع اصدقاءه  وماادري كيف

بس انه جلس يستهبل ويقلد فلان وعلان و فجأة ..حدث له مالايحمد عقباه

انفصل فخذه عن ساقه من عند الركبة ونقل فورا للمستشفى ونّوم هناك واجريت له عمليه ووضوعوا له اسياخ حديد وطوول الاسبوع

يعطونه منوم لانه اذا صحى قام يصيح من الالم والحين الحمد لله توه طلع من المستشفى وراح يمشي من شهر الى شهرين عالعكاز وبعد الشهرين احتمال يمشي بعصاة على طول<<ياعمري عليه بهالعمر و يمشي بعصاة !_!

يعني بصراحة ماسوت عليه يعني هو متزوج واب لولدين يعني لو صاير فيه شي اكبر من كذا لاسمح الله ايش كان بيصير مصيرهم><

يعني لازم تفهون شباب انه حركات اللاعبين  المحترفين مااتقنوها بين ليله وضحاها لاسمح الله اكيد بعد تدريب مكثف وطويل وبوجود فريق

طبي

فابليز شباب

لااحد يتفيلح ويحسب نفسه مارادونا العصر ><    <<عصبتوني ترا

مساكم ورد وصباحكم فل ^^

اليوم بقولكم عن سوالف آخر اليل معاي وصقيقتي ^^

سوينا تجربة تذوق فضيعة ومتتنسيش ><

امس كنا جدن رايقين على نص الليل وجالسين نسوللف مسنجريا

و كذا فجاة اقولها اشتهيت خيار هع قامت تضحك

قالت يختي عليك جو

قالت انا مشتهية شاي

قلت يوه والله زمان عنه

ثم تأتيني الافكار السوداء خخ

قلتلها تذكرين السالفة حقت الشاي واللقاح قالت ايييه هههههه

قلت يلا نجربه

قالت لالالا ياعععع لاموقدر مااحب طعم اللقاح

قلت عاد انا اللقاح عندي مزاج ههههه <<عجوزة ^^ قالت اييه ادري فيك

قلت بس مو مع شاي ولامرة جربته

يلا عفية نجربه ماتدرين يمكن يطلع حلو

قالت طويب قلت بس نجربه مع بعض موتلعبين علي ترا ترا :/

قالت اوكي

وقمنا كل وحدة تسوي شايها وتجهز اللقاح قلت لها

طيب انا الحين كيف اعرف انك بتشربينه ماتشلخين علي

يلا مكالمة صوتية ><

والله وسويناها وشبكنا السماعات وجهزنا الاكواب

وو واحد اثنين ثلاثة ونشررربه <<واالله رواقة نشرب شاي اون لاين ههههه

طلع الطعم ياااااااااااااااع ياااااااااااااع اشتغفر الله شي موقرف جدن ><

ومن كثر الصدمة رجعت شربته مرة ثانية بستوعب الطعم  نو وي

اهل البحرين

احبكم احبب شي بس بهذي اسمحولي ><

من جد ثاني اقرف شي جربته من اربع اشياءات موقرفة وماتتماشى مع بعض واللي هي:

1-حلاوة جلاتين المغطية بالسكر مغمسة بشطة <<كان هذا اقرف شي بس مااحب احد يتحدى

2-الشاي واللقاح><

3-اندومي وببسي مخلوطين مع بعض ><  <<ماابي اتذكر

4-ام اند امز الاصفر مغمسة بزبادي<<من وحي رقم 1^^

اشياءات ماانصحكم تجربونها ابدننن ابدن الا اذا كنتم  فاصلين فآخر الليل زينا ^^

بس والله  اللي يبقى من هالسوالف هي الذكرى الحلوة وضحكاتنا

ربي لايحرم احد من احبابه ^^

تحيايتي انا واختي 3>

جات العطلة وجا معها الزهق والفضاوة

وفي يوم من الزهق كانت بنت اوختنا الزغننة  رنومة تطالع صور كيكات اعياد الميلاد

وسألتنا متى يوم ميلادها هئ هئ المسكينة طلع طايف علية يمكن اسبوعين  فقمت

انا واختي من الزهق اخترعنالها يوم ميلاد جديد ^^ <<انا اشهد اننا على اي شي نبي نحتفل ههههه

وسوينالها كيكة بيتوتية ورسمنا عليها شخصيتها المفضلة >hello kitty<

طبعا الرسمة ابو التأليف والتحريف بس المهم انبسطنا كلنا ^^

واليكم الصورة