مساكم عسل^^
شايفيين هالخشيشة الشينة الكيوت اعلاه^^
هذا القطو سرفايفر !_!
واليكم قصته:
ذاك اليوم كان اخويا الكبير في الشغل جالس بمكتبه كان يقز<<يلمح ^^
ذيك القطوة الجالسة فوسط الشارع والشمس تحرقها وبالموت ياللة تمشي
والنمل يطلع عليها يقرّصها وهي تنفض تنفض بجسمها عشان يطيحون!_!
فقام ودق علي وحزنّي !_!
فقررت اتبناها^^
ويوم جابها انا من داخلي اقول لاااااه وش اللي سويته جنيت على نفسي><
كانت قذرة قذرة قذرة جدن جدن>< لونها رمادي وماتقدر تمشي من كثر التعب
قلت بخليها لين بكرة يمكن تصير احسن وحطيتها مع قطوتنا واستغربت انها ماسوت لها شي مع انها اكبر منها
اكلت ونامت نومة أليمة..ويجي من بكرة والا اشوفها استصحت عقب ماتبردت واكلت ونامت وتتحرش وتكفخ بقطوتنا
قلت انا اوريك اجل اليوم بغسلك وتجينا اختي وعيالها بنفس اليوم وتشوفها وتقول وعععع وش جايبيين
قالت يلا قومي نغسلها ونروح نغسلها بالشامبو والديتول والا وش اشوف ><
طين طين ينزل منها ><غسلناها ثلاث مرات و بعدها قذرة
وبعد الغسل والشسوار صارت جميلة شعرها طوييل لونها ابيضاني زي القطنة^^
كان تدخل خفوق اختي وتقرر تتبناها مني ^^
وطبعا من كثر الشيانة قررت اسميها شفيقة خخ
بس بعد الغسيل وسؤال اهل العلم اكتشفنا انها شفيق!U_U
هاه وش رايكم بشفوق خخ
Comments on: "شفيق" (8)
ها ها ها ها ها ها ي والله وجهه زي مثلث برمودا بس والله حلو شكرا على الموضوع زعلت شوي وفرح شوي شكرا مره ثانيه اعجبني جدا جدا ……………………………………>_^
شكرا سلمان على مرورك
ههههههه الله يعطيكم على قد نيتكم ، أنا ما عندي استعداد أتبنى شفيق ولا شفوقة صراحة
هذه التدوينة تذكرني بهذه المدونة:
http://shafooq.3alamy.org/blog/
وااااااحيااااتي
جزاك الله خير تكسبون أجر فيه هالمنتف << @_@
احبهم احبهم اموووووت فيهم <<
تجننت ماعليكم
ياعمري عليهم يختي مين اللي مايحبهم^^
خخ من ناحية منتف فهو منتف جدن هههههه
بس لا الحين صار ولد عز خخ صار دبدوب وشيطون مررررة
بنزلكم صورته ان شالله^^
اسعدنا مرورك3>
هههههههههههههههههههه حلوه سئلنا اهل العلم
ذكرتيني بأارنوبي D:
خخ منجد تفشلت >< ؟
اقصصيها يااختاه^^ <<تحب القصص الاليمة خخ
اسعدنا مرورك وان شالله تكوني زائرة دائمة لمدونتنا المتواضعة^^