سوالفنا

♥ ذكريات البر ♥

————————————-

اناواختي من محبي البر لعدة اسباب منها >>انه المكان الوحيد اللي ماالبس فيه عبايه هع

وهو المكان الوحيد لتجربه سواقة السيارات وهو مكان له عبقه الخاص وذكرياته العالقه و…و…الخ

•  ذكرى (1)

من ذكرياتنا في  سواقه السيارات

كانت في وحدة تقربلنا اول مرة تجرب تسوق سيارة ومن خوفها

لاتصدم احد ….ركبت الكل معاها ههههه

•ذكرى (2)

مرة كنا مخيمين بالبر ..

مرّوا علينا جمال >ابل >بالعربي هع

المهم ..وحدة من الخدامات ومن وناستها<<الاخت اول مرة تشوف جمل  عطت  واحد برتقالة<<هي

عطته و ياليتها ماعطته ههههههه <<هجم علينا القطيع كله وحجزونا بالخيام ..وواحد دخل عندنا بالخيمة

ومن صراخنا تخرّع وطلع هههه<<بس والله كانت ذكرى أليمة

•ذكرى (3)

من ذكرياتنا التطعيس

كان ولد عمتي يجمعنا ويركّبنا ورا بالبيك اب  وياخذنا ويطعس فينا<<واحنا نصارخ اسرع اسرع

عاد ذاك اليوم كان مرة هوى ،فمارضى يحطنا ورا قالنا اركبوا داخل ،ركبنا وبدا يطعس..شافنا مو مستانسين

قال خلاص يلا روحوا ورا …ركبنا كلنا الا ولد كان زغنون وقصير فما مداه يركب واحنا ماشفناه واشتغلنا >>اسرع اسرع

وفجأة نسمع ذاك الصراخ ورانا  لااااااا الولد  اصبررررر<<قمنا نصارخ عليه وقف وقف <<وهويحسبنا نقول اسرع ويزيد ههههههههه

واعلّيا على الولد نسيناه هع مسكين ركض ورانا مسافه ….

•ذكرى (4)

كانوا الشباب فاتحين السيارات ومشغلين اغاني…
والشغالات  جاتهم حالة الا يبغون يرقصون هههه<<وعاد كانت وحدة منهم…..<<امسكوا اعصابكم

كانت وحدة منهم مشتغلة عند ….عند…>>رقاّصة لبنانية بلبنان هههههههه <<والظاهر حنّت لذيك الايام هع

الله لايوريكم الرقص <<ليتني صورته فيديو ههههههه <<دموع دموع من كثر الضحك طحنا في الارض

ذكرتني بفيديو يوتوب الشغالات اللي يرقصون

•ذكرى(5)

من ذكرياتنا ايضا مع الجمال هههه آه ه ه <<مسببين لنا ازمة

مرة  كنا رايحين البر

مروا علينا جملين …تحرش فيهم اخوي وجوا عليينا

هرب الكل داخل السيارة ويقيت انا <<مسويه فيها قوية

وشوي الا يجي وراي الجمل ويقرب ويقرب يمّاااااه واركض عالسيارة فكوا الباب وهو وراي

مامداهم يفكون الباب فا نطّيت من الجام واختي تسحب وتسحب لحد مادخلت وقفلنا الجام  ههههه يمّه قام يلحس بالجام  ولزق فينا

لين ما حطيناله اكل وبعد عننا

__________________________

كانت هذي جزء من ذكريات حبينا نشارككم فيها 

فشاركونا بتعليقاتتكم وذكرياتكم 

تحيّتي انا & اختي ♥

***بعض الناس***

تصميمي الثالث اتمنى يعجبكم

اضغط على الصوره لتراها بحجمها

انا واختي

اعمالنا من الجوخ (( 1))

في يوم من الايام ..

كنت اتصفح صور عالم جوجل..
فجأه مرت علي كم صورة  لأعمال الجوخ ..

جلست اتأملها..

عجبتني بصراحة حسيتها سهلة

من بكرة >>طيراااااااان على جرير

..شريتلي كم قطعه قماش وازارير وابر>>وعالشغل

اول عمل كانت فيونكه >>فشلت فشل ذريع لدرجة اني ماصورتها ههههههه

اول ماشافتها اختي حسبتها عظمة>>تقوللي ايش هذي عظمة ورديه؟؟! 

لكن بعد ماوريتها الصور عجبها الشغل <<مع انها ماتطيق شي اسمه خياطة

واليكم بعض من  اعمالنا <<احم احم (u_u)

وسلامتكم

الحمد لله على سلامتك.. يا سلطان الخير 3>

لي قام سلطان متعافى كل الوطن طابت أحواله
والحمد للمنعم الشافي والشكر لله وأفضاله
حبه على قلوبنا ضافي والشعب كله من عياله
سلطان مجده مهو نجافي والطيب من حسبة رجاله
منهر على جاله يشافي ضوامي الخلق نزاله
اهنا من الكوثر الصافي وأشفى من الشهد في جباله.



زيارتنا (انا واختي ) الى الكويت

بعد مشاورات ومحاورات من  قبل رؤساء العائله<<على قولة البابا وزراء الداخلية

قررنا  زياره  الكويت 

وطبعا  قلنا  لازم  نحطكم في الصوره  ونوريكم  الأماكن الي زرناها  انا واختي

بعد زياره الاهل والاقارب  في الكويت

اول الاماكن الشعبية الي احب ازورها انا واختي سوق المباركيه <<فرض كله سفرة للكويت  لازم هع اختي تسميه حبيب الكل

ناس من كل الطبقات الاجتماعية تروح له ومليان سعوديين<<مايمديكم تحسون بالغربة هع

وهو سوق شعبي  ومقسم الى عده اقسام  منها  العطور  والملابس  والفواكه والخضروات واللحوم والاسماك والمطاعم الشعبيه  والمقاهي

والمكان الثاني : الابراج

والثالث

المركز العلمي  الرائع   مكان عائلي جدا  وللأطفال  خصوصا  ( احنا الكبار استانسنا  اكثر منهم  )   

وهذا هو المدخل  ومن فوق صور الافلام  العلميه الي تعرض داخل السينما

وهذي مجسم راس  قرش  داخل المركز

وايضا  الاكواريوم  الي فيه اشكال واحجام من الاسماك والسلاحف والقروش  وبعض الحيوانات

وهنا  قبل الدخول للأكواريوم

ومن داخل الاكواريوم بعض الصور

*

*

*

وهذامن خلف المركز العلمي

وبعدها رحنا  سوق شرق

وهذه اطلاله خارجيه من سوق شرق

وهنا برج التحرير

وزرنا ايضا مجمع الافنيوز  بس للا سف  ما صورت فيه

ومجمع المارينا مول

سوق السالميه

ومجمع النقره الشمالي  والجنوبي

<< مانرجع الا هلكانين وعلى طووول للسرير

وسلامتكم 

اماكن واسواق  لم ازرها هذه المرة

المدينه الترفيهيه <<ذكريات  جميلة  + يوم البحار+شوبيز +حديقه الشعب الترفيهيه +صاله التزلج + (الاكوابارك +المسيله)<<مغلقة عشان البرد

مجمع كويت مجك  <<اختي ماتحبه هع + حولي جراند +الفنار+المهلب +الصالحيه +البستان +مركز الرايه +وغيرها كثير …………..<<حسيتني دليل سياحي

وعقبال الزياره القادمه

وشكرا لكم

“”جيز كيك “”

المقادبر:

1:علبتين بسكوت شاي اولكر مطحون ناعم

2:علبتين جبن فيلادلفيا

3:كيسين دريم وب

4:اصبع زبده(سايحه)

5:علبتين قشطه

6: كيس جيلي اناناس +كيس جيلي فراوله او فواكهه مشكله

7: علبه كرز  او توت ازرق (حسب الرغبه)

الطبقه الاولى:

نخلط البسكوت المطحون والزبده ونرصهم في صينيه متحركه القاع

الطبقه الثانيه:

جيلي فراوله نذوبه في ربع كوب ماء + 1علبه جبن فلادلفيا +1كيس دريم وب +1علبه قشطه

يخلطون جيدا   ثم يصب فوق الطبقه الاولى

الطبقه الثالثه:

جيلي الاناناس + 1علبه جبن فلادلفيا+ 1كيس دريم وب +1قشطه

يخلطون جيدا  ثم تصب فوق الطبقه الثانيه

الطبقه الاخيره :

نصب الكرز الخاص بالجيز كيك   ويدخل للثلاجه على الاقل ثلاث ساعات قبل التقديم

بالعافيه

تحياتي انا واختي

…سنسز….

كتاب شركه المطاحن الكويتيه الجديد سنسز

كتاب طهي مثير للحواس  بمفهوم وافكار جديده تقدم فيه اطباق منوعه وخيارات متعدده

والصور رائعه  والمقادير سهله وواضحه

وهو من اعداد م. انتصار ابراهيم المطوع

والكتاب  مقسم الى عده اقسام منها  1: الشوربات 2:السلطات 3:المقبلات

4: اطباق رئيسيه 5:الحلويات

وسلامتكم

تحياتنا انا واختي

باربكيو (انا واختي)

بما انو الجو متحسن بهالكم يوم …قررت عائلتي الكريمة …..عمل باربكيو   المهم.. وصّت مامتي اخواني انو كل واحد عليه شي اللي فحم واللي لحم ودجاج …الخ

عاد واحد من اخواني جاب سمك قبلها بيوم بس جا بالليل متأخر والكل نايم ..فقام كتب ورقة للماما يعطيها فيها خبر

هءهء  شوفوها

هع شي الرسمة صح؟!

وبعدها هاقد جاء اليوم الموعود يوم الشوي..

واليكم مقتطفات من مشاوينا <<هع عشان تموتكم جوع نيهاها

1-سمك <<مدري وشو نوعه شوي احترق بس يميييي قضينا عليه

2-قطع كنعد فليه

3-كباب

كانت السفرة مررة روعة بس مالحقنا نصوررها <<جوعانين خخ

هاه ان شالله عجبكم شوينا؟!

كل أضحى وانتم بخير

السلام عليكم

كل عام وانتم بخير

عيدكم مبارك

برنوص (*_*)

السلام عليكم….

يمكن الموضوع شوي جديد عليكم لانو كان جديد علي  واليكم قصته..

…في احد الايام الخوالي كنت انا مجتمعة مع ثنتين من اعز صديقاتي..

كنا مجتمعين يوم الاربعاء بعد الدوام فيعني مانمنا <<وهذا يعني ان معدل الهسترة عندنا مرتفع..

المهم يمكن جلسنا لين نص الليل فبدينا من جد نخرّف وبقوة ..طفينا النور وجلسنا نسولف بالظلمة <<مدري شكنا نحس فيه <لاتسألوني هع

وكل وحدة قامت تقول اللي فخاطرها …عادي من كثر التخرف قلت لهم سالفة صايرة من سنتين والمشكلة احلف انها صارت قريب، المهم كذا بنص السوالف والضحك

نطت صديقتي: …..هيه بنات من جد جالي النوم ابي برنوص

احنا :..وشو برنوص؟!!لا يكون كلمة مو زينه والا شي هاه؟!ترى كفّ !

وهي تضحك وتحلف ان معناها ملحف

بعدها اكتشفنا ان البرنوص

عند اهل قطر والامارات هو الغطا (ملحف) الخفيف اللي نتلفلف فيه وحنا سهرانين عالـTV  اللي هي >>blanket

وعند اهل  المغرب هو نوع من اغطية الراس

<< المسكينة واحنا مو مصدقينها ..

وقعدنا نضحك عليها ونعيب  …ذليناها اسبوع على هالكلمة <<poor girl

وعلى كثر ما ضحكت على هالكلمة كثر ماعلقت في راسي ..من  جد خلاص صرنا نسميه برنوص زييها

واشتهرت هالكلمة لدرجة انو اختي تدق علي بنص الليل تسألني عنها بتقولها  لصديقتها

حتى البابا والماما صاروا يسمونه برنوص بسسبي خخ

so thanks girl…..

l.u

واخيرا هذا البرنوص اللي كنا نقصده بالسالفه<<ايام المخازن الكبرى ايييييييه يازمن<<هذا اللي بقى من ريحة الغاليه خخ

والله يعينكم على الكلمات  الجاية <<شكلي بسوي فيها دكشنيري واختبركم فيها هع